Խմորիչը ոչ միայն հիանալի կերպով խթանում է ծաղիկների աճը և նպաստում է ծաղկմանը, այլև ամրացնում է արմատները։
Խմորիչով սնուցումը հատկապես օգտակար է ծաղիկները տեղափոխելուց և բույսի՝ հիվանդության ենթարկվելուց հետո։
Անհրաժեշտ է․
- 1գ չոր կամ 10գ թարմ խմորիչ
- 1թ․գ․ շաքարավազ
- ջուր
Ինչպես պատրաստել․
Խմորիչն ու շաքարավազը խառնել, մի քիչ ջուր ավելացնել, խառնել և թողնել 15-20 րոպե, մինչ պղպջակներ կառաջանան։
Լցնել ստացված հեղուկը 1լ ջրի մեջ։
Այդ կերպ ստացվում է պարարտանյութ, որը պետք է խառնել ջրի հետ 1։5 հարաբերակցությամբ։ Այսինքն, 5լ ջրի մեջ լցնել պատրաստի խառնուրդը և դրանով ջրել ծաղիկները՝ սովորականի պես։
Կիրառման եղանակ․
Ձմռանը խմորիչով պարարտանյութն օգտագործել ամսական 1 անգամ, իսկ գարնանա-ամառային շրջանում՝ ամսական 2 անգամ, այսինքն երկու շաբաթը մեկ։
