Փողի ծառ կա և փորձառու ծաղկասերների, և սկսնակների տանը: Սա ամենասիրված բույսերից մեկն է. այն գեղեցիկ է, կամակոր չէ, բացի այդ ծաղիկի հետ կապված բազմաթիվ դրական նշաններ կան:
Կա մի քանի խորամանկություն, որոնց մասին պետք է իմանալ, եթե ցանկանում եք, որ ձեր փողի ծառը լավ աճի:
Խմորիչով կոկտեյլ
Խառնեք 1լ գոլ ջուր, 10 գ թարմ խմորիչ 1թ.գ. շաքարավազ: Լուսավոր տեղում պահեք լուծույթը 1 օր, իսկ հետո դրանով ջրեք ծաղիկը՝ լցնելով արմատների մոտ, այլ ոչ թե տերևներին:
Լիմոնադ
Այսպիսի պարարտանյութ պատրաստելու համար անհրաժեշտ են ցիտրուսայիններ. 1 կիտրոն և 2 մանդարին: Կտրելով հանեք մրգերի կեղևը, դրա վրա լցրեք 500 մլ եռման ջուր: Թրմեք հեղուկը մութ տեղում՝ 3 օր: Քամեք ու մաքուր ջուր ավելացրեք՝ 1:3 հարաբերակցությամբ: Ջրեք ծաղիկը ստացված լիմոնադով:
Ձվի կեղևի թուրմ
5 ձվի կեղևը մանրացրեք կամ աղացեք: Ավելացրեք կես լիտր եռման ջուր: Թրմեք խառնուրդը 12 օր՝ որևէ մութ տեղում, այնուհետև քամեք և ջրեք փողի ծառը: Ձվի կեղևի փոքր կտոր կարող եք դնել հողի վերևի շերտի մեջ:
Եթե ուզում եք, որ ծաղիկը լավ աճի, բացառեք խանութից գնված ազոտ պարունակող միջոցների օգտագործումը: Հանքային նյութը խոչընդոտում է բույսի աճին ու ծաղկելուն:
Վերը նշված պարարտանյութերը օգտագործեք երեկոյան կամ էլ մռայլ եղանակի դեպքում, իսկ ջրելուց հետո փխրեցրեք հողը:
